يا ريح يا اللي البارحه كنت مرسال
ما جبتلي يا ريح رد الرسايل
إن جبت لي يا ريح لو ذاك السؤال
من عند مهند يا كثير الجمايل
أنا أدري إنه يسئلن كيف الأحوال
ترى السجين بذل والحال مايل
اسمع كلامي يا مهند والأقوال
يطول عمرك يا حميد الخصايل
لازم تطيع الوالده بكل الأعمال
تكتب دروسك كلها والمسايل
واخْبِر مؤيد عن أوضاعي والأحوال
وقله عساك بخير زين المثايل
يا خو سحر صكو عليا بالاقفال
تكبر وتسلم جايبن للنفايل
محمد سراج البيت بالخير شلال
الله يجيرك عن ردي الفعايل
يا عين صقرٍ شامخٍ فوق الجبال
يصيد الفريسه دوم بين الخمايل
فلاح الغالي اسمكم دوم عالبال
سمي ابويا يا حلي الشمايل
يـا ريت عمرك زايدٍ عد الرمــال
وطير السعد يبني عليك الظلايل
ما أنسى ملوكي حبيباتي هالاطفال
بسلمهن الله من جميع الزلايل
أنا ادري إنهن رابياتٍ بالدلال
وأنا أدري إنهن من خيار السلايل
