ونيت أنا ونت سجينٍ ومظلوم
من غلطةٍ يا ناس والله صغيره
يا ريتني المكسور في هذاك اليوم
ورجلي حبيسه بالعصا والجبيره
ونيت أنا ونت وحيدٍ ومضيوم
والغلطه صارت يا خلايق كبيرة
كل ما سمع به واحدٍ زاد باللَّوم
حتى اصبحت وسط المجالس خطيره
ونيت أنا ونت أسيرٍ ومحكوم
ما عاد يدري كيف يصبح مصيره
ويدعي الآله الواحد القيوم
إنه يعينه بها لمصيبه المريره
ونيت أنا ونت بري ومتهوم
بالزور والبهتان بغلطه حقيره
اصبح ما بين الناس ملعون مذموم
يكفي آلهه عالمٍ بالسريره
ونيت انا ونت مريضٍ ومحموم
مرات يهذي اومرات في قشعريره
من علته عيت عيونه عن النوم
حمى تصيبه مثل اللهب في سعيره
ونيت أنا ونت رضيعٍ ومفطوم
يصحى توال الليل وده عشيره
ونيت أنا ونت يتيم ومحروم
ماله أحد بالناس وايده قصيره
